Ферги “Baby Shower” хийжээ

Өдгөө 37 настай “Black Eyed Peas” хамтлагийн дуучин Ферги хөл хүнд болж анхны хүүхдээ төрүүлэх гэж буй тухай баяртай мэдээг өөрийн твиттерээр фэнүүддээ дуулгаж байсан нь саяхан. Тэгвэл нэрт дуучин өчигдөрхөн Лос-Анжелосын “SLS” зочид буудалд “Baby Shower” буюу хүүхдийнхээ угаалгыг хийж томоохон үдэшлэг зохион байгуулжээ. 

Фергийгийн хувьд хамгийн үнэ цэнэтэйд тооцогдох энэхүү баярт түүний хамтлагийн найзуудаас гадна Келли Осборн, Адам Ламберт, Жулианна Хаф, Габирель Аубри нар уригдсан байна. Ферги “Baby Shower”-ийн талаар өөрийн твиттерээр фэнүүддээ сонирхуулж уг үдэшлэгт өмссөн даашинзаа дэлхийн нэртэй загвар зохион бүтээгч ах дүү ихрүүд “DSquared2”-аар захиалгаар хийлгэсэн бол “hair stylist” Энди Ликомптигийн үс засалтар гангарсан хэмээн цахим хуудаснаа бичжээ.