Анжелина Жоли Холливудын хамгийн нөлөө бүхий одоор тодорчээ

Кино од Анжелина Жоли Холливудын хамгийн нөлөө бүхий 100 жүжигчнийг тэргүүлсэн байна. Түүнчлэн Холливудын хамгийн нөлөө бүхий эмэгтэй жүжигчдийн айргийн тавд Женнифер Лоуренс, Женнифер Энистон, Кристен Стюарт, Гвинет Пэлтроу нар багтсан аж.

Хөхний булчирхайн хорт хавдраар эхээ алдсан Анжелина Жоли саяхан энэ өвчнөөс урьдчилан сэргийлэх журмаар хоёр хөхөө тайруулсан гэдэг нь тодорхой болсон. Түүний ээж 56 насандаа чухам энэ аюулт өвчний улмаас хорвоор орхисон билээ.

Харин хөхөө тайруулах шийдвэрийг тэрээр эмч нар түүнд хөхний болон өндгөвчний хорт хавдар үүсгэдэг BRCA1 ген байгааг илрүүлсний дараа гаргасан ажээ. Харин хагалгаа хийлгэсний дараа 87 хувьтай байсан хорт хавдрын эрсдэл таван хувь болтлоо буурсан юм байна.