Чам шиг хэн нэгэн

“Someone like you” буюу “Чам шиг хэн нэгэн” дуугаараа алдаршсан дуучин Адель өөрийнх нь ихэр гэмээр вакс хувилбартай боллоо. Алдарт Мадам Тюссогийн Лондон дахь музейд дуучны лааны тосон баримлыг босгожээ. Удахгүй үзэгчдэд танилцуулах Аделийн баримал өөрөөс нь үл ялиг туранхайгаас биш бүх талаараа төгс адилхан болжээ. Баримлыг Аделийн 2012 оны Грэммийн ёслолд дуулж буй байдлаар, тэр үеийнх нь хувцастайгаар бүтээсэн байна. Адельтай хамт Рианна, Бионсе, Эми Уайнхаус зэрэг алдартны баримлыг Лондонгийн музейд зориулан шинээр бүтээснийг олон нийтэд танилцуулах ажээ.