Ардчилсан нам Ялахад Хүрлээ

МУСТА жүжигчин Д.Хүрэлхүү, МУГЖ Ё.Цог нарын “Цогоо гуай” рекламыг мэдэхгүй монгол хүн бараг байхгүй. Сав л хийвэл элдвийг сэтгэж, үзэгчдийг инээлгэж байдаг Хүрлээ, Цогоо гуай хоёр энэ удаад харин үзэгчдийг бухимдуулж орхив. Сүүлийн үед АН-ын өмч мэт болтлоо цацагдсан “Цогоо гуай” шторк одоо юу хэлэх гээд байгаа нь мэдэгдэхээ больсон. Нэг бол АН-ын реклам, үгүй бол DDSH-ийн таван жилийн ойн реклам цацагдаж байсан санагдана. Гэтэл ойрын өдрүүдэд Хүрлээ ээжээсээ жинхэнэ эцгээ асууж, ээж нь хариуд нь юу ч болоогүй юм шиг “Энэ хойд Цогоо гуай нь шүү дээ” гэх рекламыг хэн ч ойлгосонгүй. Тэр хоёр яг юуг илэрхийлэх гээд байгаа нь тодорхойгүй уг шторкоор DDSH, АН-ын алиныг нь рекламдаж байгааг ч хэн ч ойлгоогүй. Тэгвэл тус рекламний учирийг Хүрлээ тайлж АН-ын ялалтын баяр дээр хүрэлцэн иржээ.