Дуучин бас салоны эзэн Хулан

Монголын рок попод таван жилийн өмнөөс тайзнаа гарч ирэх болсон хөгжмийн зохиолч Г.Пүрэвдоржийн шавь Хуланг хүмүүс гайхамшигтай сайхан хоолойтой гэдгээр нь андахаа больжээ. Саяхан тэрээр нэгэн телевизийн захиалгаар бүтсэн уран сайхны киноны гол дүрд тоглож, киноныхоо саунд трэкийг дуулж улам бүр олны танил болоод байгаа билээ.

Тэрээр шоу концерт дээр тэр болгон халтуурын хэдэн төгрөгөөр дуулахаас илүү тогтмол өдрөө River Sounds клубт дуулж сонгодог үдшийн арга хэмжээнүүдэд урилгаар оролцохоос гадна 2013 онд гарах шинэ цомгийнхоо ажилд ханцуй шамлан оржээ.

Дуу уран бүтээлээр төдийлөн ашиг орлого олохгүй байгаа Хулан дуучин хотын төвд өөрийн нэрийн гоо сайхны салон нээжээ. Мөн салоноо охиныхоо нэрээр буюу “тэргэл” хэмээн нэрийджээ.