Цэцэ тоглолтоо хийх гээд тун завгүй явна

Vanquish хамтлагийн гишүүн Цэцэ буюу Н.Цэцэнбилэг 2004 онд энэ хамтлагийг байгуулж залуусыг байлдан дагуулсан “Excel” дууг гаргаж, түүний дараа “Миний пүүз” дуугаа гаргаснаар түүнийг танихгүй хүнгүй болсон. Өөрийн үзэл бодлоо дуугаараа чөлөөтэй илэрхийлж, бусдаас багагүй шүүмжлэл хүртэж явсан удаа ч бий. Гэхдээ үзэл бодолдоо үнэнч явбал амжилт аяндаа ирдэг. Реппер Цэцэ сүүлийн үед нийгмийн эмзэг давхрагын болон, асрамжийн газрын хүүхдүүдэд туслах зорилготой клуб нээсэн бөгөөд энэхүү үйл ажиллагаа нь маш амжилттай явж байна. Тун удахгүй Цэцэ энэ сарын 29нд өөрийн бие даасан тоглолтыг хийх гэж байгаа юм байна. Түүний сүүлийн үеийн уран бүтээлээс гэвэл пдуучин Болдтой хамтран шинэхэн уран бүтээлээ гаргаад байгаа билээ. Тоглолтынхоо бэлтгэлийг хийгээд тун зявгүй яваа дуучин маань манай дуранд өртлөө.