Загварын ертөнцийн сахиусан тэнгэр Адриана Лима

Бразилийн супермодель Адриана Лима өчигдөр 32 нас хүрчээ. Тэрээр 1981 оны зургадугаар сарын 12-нд төрсөн юм байна. Айлын ганц охин тэрбээр багаасаа хайр халамжаар бялуурч өссөн ч эцэг эх нь охиныхүү хүмүүжилд санаа тавьж, хатуу цагддаг байсан гэнэ.

Хэдий тайзан дээр дотуур хувцастай алхаж, зурган дээр халуухан гардаг ч гэлээ тэрээр энгийн амьдрал дээр эгэл даруухан нэгэн ажээ. Тэрээр загвар өмсөгч болоогүй байсан бол гэлэнмаа болох байсан гэнэ. Толгой эргэм амжилтад Бразилийн сайхан бүсгүй тэртээх 1990-ээд оны дундуур хүрсэн. Дөнгөж 15 настайдаа дэлхийн хэмжээний супермоделийн тэмцээнд хоёрдугаар байрт орж байсан түүнийг хэн ч харсан аргагүй сайхан бүсгүй гэдэгтэй маргадаггүй.

Одоо ч тэрээр рейтингээ алдаагүй хэвээр бөгөөд дэлхийн нэр хүндтэй брэндүүдийн нүүр царай болж, тэргүүлэгч агентлагуудтай гэрээ байгуулсаар байна. Нэгэн цагт Лима ирээдүйд ээж болж, охин төрүүлбэл хэзээ ч түүнийгээ загвар өмсөгч болгохгүй гэж ярьж байсан. Харин одоо тэр хоёр хөөрхөн охины ээж болсон. Түүний сүүлийн жилүүдэд авахуулсан гайхалтай зурагнуудаас хүргэж байна. Хүлээн авна уу?