Аав нь телевизээ охиндоо өвлүүлж харин Зулаа аавыгаа өвөө болгожээ

УИХ-ын гишүүн болж телевизийн ажлаа хойш нь тавихад хүрсэн З.Алтай гишүүний өв залгамжлагчаар өрсөлдөгчгүй тодорсон нэгэн бол охин А.Энхзул.Тэрээр "25 дугаар суваг" телевизийг анх үүсэн байгуулагдах үеэс эхлээд хөгжмийн нэвтрүүлэг хөтөлдөг байсан юм. Тэрээр "Камертон" хамтлагийн Мээдээгээс "Та өнөөдөр баасан уу?" гэдэг асуулт тавьж багагүй шүүмжлэлд өртөж байсан удаатай. Үүнээс хойш аавын нэр сүрээр гадаад харилцааны ажилтан, дэд захирлын албан тушаалд дэвшиж, амжилтын шатаар өгссөнийг үгүйсгэхгүй.Тэднийх хүү, охин хоёртой ч эрхэм гишүүний уран бүтээлийн өв залгамжлагчаар Зулааг хэдийн тодруулчихсан.

Аавынхаа мэргэжлийг өвлөхөөр барахгүй тус телевизэд эзэмшдэг багахан хувьд эзэн суух эрхтэй болсон түүнтэй карьер хөөсөн залуу сууна гэж үеийнхэн нь ярьдаг. Харин түүнийг нөхөрт гарч бас том гэдэстэй хөл хүнд явсныг харсан хүмүүс хэнтэй суусныг нь сонирхож буй.