Шакира, Пикей нар хүүтэйгээ Майамид амарч байна

Дуучин Шакира, хөлбөмбөгчин Жерард Пикей нар хүүтэйгээ Майами хотод амралтаа өнгөрүүлж байна. Саяхан “Барселона” клубийнхэн Флорида мужид үзүүлэх тоглолт, бэлтгэл хийжээ.

Шакира тун саяхан дөрвөн сартай Милан хүүгээ тэврэн бэлтгэлийн төв рүү орж байхад нь гэрэл зурагчид түүний зургийг дарж амжсан байна.

Греммийн наадмын хоёр удаагийн шагналт дуучин бүсгүй 2010 оны хавраас хойш Испанийн шигшээ багийн төвийн хамгаалагч Жерард Пикейтэй үерхэж байгаа юм. Хосууд энэ оны нэгдүгээр сарын 22-нд Милан Пикей Мебарак хэмээх хүүтэй болсон.

Тэдний хүүхэд нь энэ оны хамгийн эхэнд мэндэлсэн алдартай хүүхэд хэмээн нэрлэгдсэн. Английн гүнж Кэти Мидлтон, ханхүү Уильям, реалити шоуны од Ким Кардашиан, реппэр Кени Уэст нар энэ  зун мөн л алдартай хүүхдээ өлгийдөн авах гэж байна.