“Хориотой загвар”-ын захирал бүсгүй

Нэг хэсэг  нийслэл хотын маань бүхий л  кино театрууд гадаадын кино гаргаж өдрийн од шиг цөөхөн  Монгол кино хийгддэг байсан цаг саяхан. Тэгвэл энэ бүхэн ард хоцорч  манай улсад кино урлаг  ид хөгжиж олон сайхан киноноос үлгэр дууриалал сургамж  авч байгаа залуус цөөнгүй бий. Амьдрал гэдэг далайд бат сэлүүртэй түшиж тулах хэн нэгэнтэй байхдаа ямар жаргалтай байснаа оройтож ухаардаг нь хорвоогийн жам ч юм шиг. Тэгвэл оройтойгүй байгаа дээрээ ухаарлыг олж авах хэрэгтэйг харуулсан  “Хориотой загвар” шинэ кино энэ сарын 25-нд нээлтээ хийсэн. Энэхүү киноны гол дүрд “Хос Билгүүн Зул” комнанийн захирал залуу жүжигчин Б.Зулаа тоглосон бөгөөд мэргэжлийн биш гэхэд чамгүй сайн дүрийг гаргаж чадсан түүнийг магтах хүн цөөнгүй байна.  Ингээд залуу жүжигчин Зулаа нөхөр хүүхдийн хамтаар манай дуранд ийнхүү өртсөн юм.