Амгаагийн бяцхан гүнж

Амьд хөгжим тэр дундаа рок хөгжмийг залууст мэдрүүлж явсан, яваа, явсаарч байх Нисванис хамтлагийн ахлагч Амгаа өрх тусгаарлаж үрийн зулай үнэрлээд 2 өвлийг ардаа орхижээ. Хожуу боловч амьдрал зохиосон тэрбээр охиноо аав шигээ урт хуруутай гэдгийг хараад урлагийн хүн болгохоор сэтгэл шулуудсан хэмээн нэгэн ярилцлагандаа дурьдаж байсан. Учир нь Амгаагийн хувьд нэлээд урт хуруутай бөгөөд хөгжим тэр дундаа төгөлдөр хуурыг муугүй тоглодог нэгэн. Тийм дээ ч охиныхоо урт хурууг харж урлагийн хүн болгохоор шийдэж төгөлдөр хуур авч өгсөн гэнэ лээ. Тэгэхээр ирээдүйн "Нисванис-2" хамтлагийн ахлагч нь Амгаагийн охин байхыг үгүйсгэх аргагүй нь ээ. Амгаагийн охин өдгөө алхдаг болж, баяраараа ээж аавдаа эрхлэн, бяцхан гүнжийн дүрд хувирчээ.