“Эмоци”-ийн авъяаслаг захирал

Монголын тайзны урлагийн отгон хамтлаг болох “Эмоци” продакшн байгуулагдаад багагүй хугацааг өнгөрөөж байгаа билээ. Шинэлэг өнгө аястай тус хамтлагийнхан “Эрчүүдийг Уучил” анхны цоо шинэ тоглолтоороо үдэш бүр үзэгчидтэйгээ уулзаж байна. Тус продакшины захирлаар жүжигчин Төтө томилогджээ. Аргагүй залуу хүмүүс гар нийлсэн харагдана. Тус тоглолтыг үзсэн үзэгчид ,ойрд ингэж инээсэнгүй хэмээн их л сэтгэгдэл өндөр гарч ирж байлаа.
 

“Эмоци” продакшн “Эрчүүдийг уучил” тоглолтондоо үзэгч та бүхнийг халуун ам бүлээрээ, хайртай найзуудтайгаа, хань ижилтэйгээ хүрэлцэн ирэхийг урьж байна. Дэлгэр зуны цэлгэр өдрүүд эхэлсэн энэ үед үзэгч түмэндээ шинэ уран бүтээлээрээ бэлэг барьж байгаа “Эмоци” хамтлагийнхандаа цаашдынх нь уран бүтээлд өндөр амжилтыг хүсэн ерөөе. Үзэгчдээ үдэш бүр 19 цагаас “Тусгаар тогтнол”-ын ордонд “Эмоци” продакшны “Эрчүүдийг Уучил” тоглолтонд морилоорой.