Анхны хүүхдээ өлгийдөн авахаар, хоног тоолон хүлээж буй гавъяат тамирчин

ОУХМ С.Ням-Очир Лондонгийн олимпийн жудо бөхийн 73 кг-ийн жинд хүрэл медаль хүртэж эх орондоо энэ олимпийн анхны медалийг авчирсан. Хүрэл медалийн болзлыг хангасаныхаа дараа хэрхэн хөөрч баярлаж байсан нь одоо ч нүднээ харагдах шиг. Тэр ялалт ганцхан түүнийг бус эх орноо төлөөлөн оролцож буй элэг нэгт тамирчдыг нь хамгаас их баярлуулж дараа дараагийн медалийн буухиаг эхлүүлсэн билээ. Энэ жилийн хувьд түүний амьдралд цөөнгүй баярт үйл явдал тохиож байна. Түүний сүйт бүсгүй ОУХМ П.Лхамдэгд хөл хүнд болж ,хосууд тун удахгүй анхны үрийнхээ зулайг үнэрлэхээр хоног тоолон хүлээж байгаа юм. Спортын шилдэг гэр бүлүүдийн тоог нэмж буй хосуудынхаа цаашдын амьдралд хамгийн сайн сайхныг хүсэн ерөөе.