Брэндийг түгээгч “Түшиг”

Дэлхийн цуутай брэндүүдийг Монголд анх оруулж ирсэн “Түшиг” группын Г.Баттүшиг энэ удаа бидний дуранд өртлөө. Айлын ганц хүү Г.Баттүшиг АНУ-д боловсрол эзэмшиж ирээд аав, ээжийнхээ бизнесийг үргэлжлүүлэн, брэнд гэх нэр сураг төдий байхад Монголд тансаг үнэртнүүдийг оруулж ирсэн сүйхээтэй, чамбай бизнесмэн. Нэлээд хугацаанд ганц бие анхаарал татам залуу гэгдэж байсан түүнийг мисс бүсгүйтэй гэрлэхэд ч мөн бяцхан дуулиан дэгдэж байсан. Өдгөө тэд хоёр хүүхдийн ээж, аав болоод байгаа. “Түшиг”-ийн Баттүшиг гэсэн тодотголтой залуу захирал компаниа групп болгон өргөжүүлж, “Түшиг” их дэлгүүрээс гадна хотын А зэрэглэлд Улаанбаатар их дэлгүүрээ нээж, дэлхийн стандартыг Улаанбаатараас мэдрүүлнэ гэсэн зорилго тавиад байсан. Харин бүх л бизнесмэнүүдийн зорилго болох улс төрд мөн л ханцуй шумлан ороод байгаа нь энэ ажээ.