“3-н охин” хамтлагийнхан тарахгүй

Охидын хамтлагууд дун­даас хамгийн урт, удаан хугацаанд уран бүтээлээ туурвиж байгаа нь "Гурван охин" хамтлаг билээ. Харин хамтлагийн охид уран бүтээлдээ үнэнч явсаар гэр бүлийн амьдралаа нэлээд хожуу эхэлцгээж байгаа. Хамталгийнхныхаа салхийг хагалж,  Г.Анхмаа үрийн зулай үнэрлэн, ээж болоод гэр бүлдээ ихэнх цаг заваа зарцуулах болсон. Харин Х.Ану “Апу”-гийн том хүүтэй хайр сэтгэлйн романс үүсгээд багагүй удаж байгаа. Тус тусдаа хайрын романс үүсгэсэн ч уран бүтээлээ үргэлжлүүлсээр байгаа хамтлагийн бүсгүйчүүд маань манай дуранд ийнхүү өртсөн юм. Олон жил хамт байж, жаргал зовлонгоо хуваалцсан бүсгүйчүүд өдгөө нэг хүн шиг л, нэг нэгнээ харцаар нь ойлгодог болсон ажээ.