Хашрах болоогүй Линдсей Лохан

Үргэлж хэрэгт холбогдож дуулиан шуугианы эзэн болж байдаг Линдсей Лохан авто машины осол гаргасан хэргээр өнгөрөгч сард 90 хоног согтууруулах ундааны эмчилгээ хийлгэх шийдвэрийг Лос-Анжелосын шүүхээс сонссон билээ. Шүүх хуралд байн байн дуудагдаж байдаг дэггүй LiLo одоо л томоожих цаг нь болсон хэмээн хэвлэлүүд шуугисан ч өчигдрөөс эхлэн түүний талаарх таагүй мэдээллүүд дахин “GossipCenter”-т цацагджээ. 

Учир нь шүүхээс сонссон 90 хоногийн эмчилгээгээ хийлгээд эмнэлэгт байх ёстой Лохан өнгөрөгч баасан гаригт Бразилын Сан-Паулу хотын нэгэн шөнийн клубт хэсэг эрэгтэй найзуудынхаа хамт хөгжилдөхөөр явсныг папараццичид ийнхүү илрүүлжээ. 

“GossipCenter”-ийн мэдээлснээр тэрээр найзуудынхаа хамтаар шөнийн клубын ойролцоох буудалд байрлаж цагийг зугаацаж өнгөрүүлэхээр шийдсэн бололтой хотын гудамжаар найзуудаа дагуулан  явж байсан гэнэ.