ГЭГЭЭН ВАЛЕНТИНЫ ӨДӨР ЖЕРИ ХОЛЛИВЕЛЛД ХАЛДЖЭЭ

Жери Холливелл Гэгээн Валентины өдрөөр баглаа сарнай цэцэг авахаар явж байгаад папарацци нарт баригджээ. Чухамхүү юу болсон нь огт ойлгомжгүй байна. Юу гэвэл, папарацци нар байнга л зураг дараад байгаагүй аж. Дуучин зам дээр цүнхээ унагаж, түүний гоё сайхан гутлын үдээс тайлагдсан харагдана. Дуучин маань бага зэрэг айсан ч, Лондоны нэг мухлагаас цэцэг худалдан авчээ. Тэгээд гэрэл зурагчид том гэгчийн сарнай цэцгийн баглаа барьж, инээмсэглэсэн Жеригийн зургийг авсан байна. Өөрөө өөртөө бэлэглэхгүй юм бол өөр хэн ч түүнд бэлэглэхгүй гэдэг нь үнэн бололтой!