Аавын ганц амь

Хошин урлагаас гэр бүл болж, өдгөөг хүртэл хамт уран бүтээлээ хийж байгаа Ш.Доржсүрэн, А.Мөнгөнзул нарыг танихгүй хүн ховор. "DOZ" энтертайнмент студиа байгуулаад багагүй хугацааг өнгөрөөж байгаа бөгөөд хамгийн сүүлд бүтээсэн “Хөх толбот хүмүүс” уран сайхны кино нь мэргэжлийнхнээс өндөр үнэлгээ авч чадсан. Харин "DOZ"-ын шинэ уран бүтээл болох “Дүүлэн нис” кино өчигдрөөс үзэгчдийн хүртээл болж эхэлсэн. Ш.Доржсүрэн найруулаад, А.Мөнгөнзул ч гол дурд нь тоглож, яалт ч үгүй урлагийн гэр бүл гэдгээ батлаад хосуудын том хүү Эрдэнэбулган нь яг л аавыгаа “copy”-дсон юм шиг адилхан байсан шүү.