Victoria Beckham 2 сард шинэ Icon коллекцоо гаргана

Victoria Beckham 2 сард шинэ коллекцоо гаргахаар болжээ. Эхний ээлжинд тэрээр 17 секундын моделиудын хоолойтой “Хүмүүс надаас юу хүсдэг вэ…Хамгийн шилдэгийг л” гэсэн трэйлер гаргаад байсан юм. Үүний араа тэрээр өөрийн сайт www.victoriabeckham.com дамжуулан шинэ коллекц Icon-оо танилцуулахаар боллоо. Өмнөх коллекцоос Kristen Stewart, J Lo зэрэг алдартнуудын өмсөж байсан даашинзуудыг ахин гаргаж, шинэ зүйл нэмнэ гэдгээ мэдэгдсэн ба эхний ээлжинд 2009 оны хавар/зуны коллекцоос 7 даашинзыг гаргахаар төлөвлөжээ. “Би үйлчлүүлэгчдийнхээ хүсэлтээр гаргасан бүх л хувцас, бүр хамгийн анхны урласан байсан ч хамаагүй тэр бүгдийг Icon коллекцдоо оруулахыг хичээсэн. Би түлхүүр болсон даашинзаа арай шинэлэг өнгө болон хийцтэй хийхийг хичээсэн.” гэжээ.