БШУЯ-ны сайдын суудлыг төвөггүйхэн авсан гишүүн.

Хүндэт доктор цолоор шагнуулаад удаагүй УИХ-ын гишүүн Л.Гантөмөрийг засварчнаас улс төрч болтлоо өссөн сүйхээтэй эр гэдэг. Нэг зүтгэсэн зүйлдээ тууштай байдаг тэрээр эхнэртэйгээ ч зургадугаар ангиасаа хойш хамт байгаа, халамжтай нөхөр билээ. Өдгөө эхнэр нь Монгол банканд ажилж байгаа бөгөөд гурван хүүхэдтэй өнөр өтгөн гэр бүл болсон. Гишүүн Л.Гантөмөр Боловсрол, Шинжлэх Ухаан сайдаар ажиллаж, шинэ суудалдаа тухлаад байгаа. Харин энэ суудлыг яаж авсан нь их сонирхолтой. Мань эр Н.Алтанхуяг даргад “Би Боловсрол, шинжлэх ухааны сайд болъё” гэж шууд хэлсэн гэдэг. Тухайн үед ч энэ салбарыг хариуцах зоригтой хүн байгаагүй. Монголын боловсролын системд шинэчлэл хийж, энэ салбарт дорвитой ажил хийхийн тулд ингэж улайм цайн зүтгэсэн юм билээ. Нэг зүтгэл гүрийдэг гишүүнийг энэ салбарт юу хийхийг нь харж суугаа олон хүмүүс бий.