Марио Балотелли VS Роберто Манчини

Манчестер Ситигийн дасгалын талбай дээр Марио Балотелли менежер Роберто Манчинитэй нударга зөрүүлэх шахжээ.  Сургуулилт бараг дуусах дөхөж байхад Марио бөмбөг хөөж явахдаа хаалганы өмнөхөн Скотт Синклэйр рүү алдаж цохисон нь менежер Роберто Манчинигийн хилэнг хөдөлгөжээ. Тэрээр Мариог талбайгаас даруйхан гар гэж хөөснөөс тэдний хоорондох маргаан эхэлжээ. Мэдээж Марио гаргахгүй гэж зөрүүдэлсэн тул Роберто Манчини түүнийг хүчээр гаргах гээд чадалгүй, хоорондоо барьцалдаж авчээ. Тэднийг удалгүй бусад дасгалжуулагч, тамирчид дундуур нь орж салгасан ч маргаан нэг хэсэгтээ үргэлжилжээ.