“Гарал угсаа” киноны эзэд

Дэлгэцийн бүтээлд нэлээд дүрийг бүтээсэн чадварлаг залуу уран бүтээлч, жүжигчин Билэгжаргал буюу Бэкэ өөрөө зохиолыг бичиж, найруулан гол дүрд нь тоглосон “Гарал угсаа “киногоо одоо үзэгчдийн хүртээл болгож эхлээд байна. Энэхүү киноны гол дүрд “Мөрөөдлийн театр”-ын жүжигчин Т.Баттулга, УДЭТ-ын жүжигчин Л.Баттөр, “Гурван охин” хамтлагийн дуучин Г.Анхмаа, “Х-Түц” хамтлагийн жүжигчин Д.Алдармаа, М.Цэрэндолгор, Төрийн соёрхолт, Ардын жүжигчин Н.Сувд, Ардын жүжигчин П.Цэрэндавга, Гавьяат жүжигчин Г.Равдан, УДЭТ-ын жүжигчин Г.Эрдэнэбилэг, Р.Баттогтох зэрэг тайз, дэлгэцийн мундгууд чуулсан нь тус киног чамгүй сайн бүтээл болсныг харуулах бөгөөд тус  киног үзсэн хүмүүс ч тун ам сайтай байгаа аж. 

Энэхүү киноныхоо нээлтийн үеэр Жүжигчин Билэгжаргал, эхнэр Анхмаа болон жүжигчин Т.Баттулга нарын хамт хүрэлцэн ирсэн юм. Ингэхдээ залуу жүжигчин маань үндэснийхээ малгайг өмссөн нь өөрийн хийсэн уран бүтээлийн утга санааг илтгэх мэт.