“Хатариш” Амараа од болжээ

Буриад ардын “Хатариш” дууг Миногийн хамт дуулж хит болгосон Амараа багагүй хүний танил болж амжжээ. Аливаа арга хэмжээнд нөгөөх дуугаа Миногийн хамт дуулж хатирдаг Амараа сүүлийн үед ганцаараа хатирах болсон байна. Учир нь Мино айлын эзэгтэй болж одоогоор нөхөрийн хамт гадаадад байгаа сурагтай. Тэрээр Амараа нэгэн үйл ажиллагаанаас гарсныхаа дараа хүүхдүүдэд гарын үсгээ зурж өгч байсан нь манай папарацитай тааралдсаныг та бүхэнд толилуулъя. Цуг явж байгаа эмэгтэй нь түүний найз охин бөгөөд МҮОНТ-д хөтлөгч хийдэг аж. Дашрамд дуулгахад Амараагийн фэн гэх зарим хүүхдээс “Хатариш дуунаас нь өөр дуу мэдэх үү” гэхэд таг болдог тул  ганцхан дуугаараа олонд танигдсан Солонгосын PSY-тай адилтгаж үзэх болжээ. Мэдээж зөвхөн Монголдоо шүү дээ.