РИАННА КРИС БРАУН ХОЁР ДАХИН ДУРЛАЛЦАЖ БАЙНА

Найз охиноо зодсон гэдгээр нь дэлхий нийтээр Крис Брауныг үзэн ядаж байсан цаг саяхан. Рианна нүүр амаа хөх няц болтол, хамраа хугартал зодуулсан ч дэндүү цайлган сэтгэлтэй ч юм уу эсвэл хэтэрхий их хайртайдаа ч юм уу Крис Брауныг үзэн ядах нь битгий хэл шинэ цомогт хамтран уран бүтээл хийхээр болсноо өөрийн твиттер хуудсаараа дамжуулан мэдэгдлээ. Хэдийнэ хоёр тийш болсон ч энэ жилийн тухайд гурав дах уран бүтээлээ хамтран туурвиж байгаа Рианна, Крис хоёр албан ёсоор эргэн нийлж байгаа юм байна. Рианна энэ жил алдарт Опра Уинфригийн шоунд оролцохдоо “Крис миний бүхий л амьдралын ганц хайр минь байсан” хэмээн ярьсан бол Крис Рианнатай хамтран гаргасан дууныхаа клипийг твиттер хуудсандаа байрлуулж түүнд бүр ч хүчтэйгээр эргэн дурлаж байгаа талаар коммент бичжээ. Урлаг тэдний дундах сэтгэлийн хар толбыг ийнхүү “цайруулж” чаджээ.