Уран бүтээлээр ундарч буй Навчаа

Тоглосон кино бүр дээрээ дүрээ чадварлаг бүтээж  түмэн олныхоо зүрхэнд хоногшсон жүжигчин Навчаа ойрын үед уран бүтээлийн ажил ихтэй тун завгүй явна. Түүний тоглосон зарим нэг киног эргэн дусвал “Гоёлын даашинз” кинонд загвар зохион бүтээгч “танхай яриат” Соёлмаагийн дүрийг , “Помогите нам 1,2”, “Франц үнсэлт”, “Цасан охин” зэрэг кинонд тоглосноос гадна “Рашаантын 18” уран сайхны киног тэрээр өөрөө найруулж тоглосон. Мөн түүний  томоохон уран бүтээл болох  МҮОНТВ-ийн “Хэцүү анги” 60 ангит уран сайхны киног санаачлан, өөрөө найруулж бас тоглож үзэгчдийг хэсэгтээ л байлдан дагуулсныг та бүхэн санаж байгаа биз ээ. Дашрамд дуулгахад чадварлаг жүжигчин маань “Би эмэгтэй хүн”  дэлгэцийн бүтээлийнхээ нээлтээ 11 сарын 01-нд хийх гэж байгаа юм байна. Энэхүү кинондоо эмэгтэй хүний гоо сайхан болон дотоод ертөнц, мөн чанарыг гаргаснаараа ихэд онцлог юм байна. Жинхэнэ эмэгтэй хүний мөн чанарыг харуулсан дүрийг Навчаа жүжигчин маань бүтээх ажээ. Ийн уран бүтээл нь ундаран буй жүжигчин Навчаа манай папараци дуранд хэрхэн өртсөнийг толилуулъя.