Ким Кардашиан “Halloween” тэмдэглэв

Америкийн телевизийн реалити шоуны од Ким Кардашиан өчигдөр Майамид болсон Halloween-ий баяраар барын эрээн хувцастай зургаа өөрийн Twitter хуудсанд тавьсныг “Дэйли Ньюс” онцолжээ. Өөрийн сонирхолтой зурагнуудаа үргэлж Twitter-тээ тавин фэнүүдтэйгээ сонин содон үйл явдал бүхнээ нээлттэй хуваалцдаг тэрээр энэхүү өмсгөлөө  “Halloween”-ийн хамгийн дур булаам хувцас гэж үзэж байгаа гэнэ. 

Ким “Halloween”-ий баяр дээр олныг гайхашруулсан дур булаам хувцас өмсөгчдийн нэг гэдгийг түүний фэнүүд анддаггүй. Тэрээр өнгөрсөн жил Batman-ий  цуврал номонд гардагтай төстэй Ivy-ийн хувцас өмсчээ. Кимийн гэр бүл жил бүр үзэсгэлэнт далайн эрэгт “Halloween”-ийг уламжлал болгон тэмдэглэдэг бөгөөд тэд өмссөн хувцсаараа өрсөлдөж шилдгүүдээ тодруулдаг гэнэ.