МУГЖ Бат-эрдэнэ эх нутагтаа ирлээ

Монгол улсын гавьяат жүжигчин хэмээх эрхэм хүндтэй цолоор энгэрээ мялааснаас хойш хэсэгтээ уран бүтээлээсээ хөндийрөөд байгаа Ч.Бат-Эрдэнэ Ирландад урлагийн менежмент чиглэлээр сурах болсоор хэсэг зуур чимээ алдараад байгаа билээ. Тэрбээр жилдээ хоёр удаа монголд ирдэг бөгөөд амралтаараа ч гэсэн зүгээр суудаггүй, залуу дуучдын бие даасан тоглолт зохион байгуулдаг юм. Энэ удаад гавьяат маань дуучин Д.Намсрайноровын “Сэвлэг шиг, бүүвэй шиг” хоёр дахь бие даасан тоглолтыг зохион байгуулж байгаа аж. Тэрээр дуучин Намсрайнноровын дуунуудад тун дуртай бөгөөд гадаадад эх нутгаа санагалзан байх үедээ сонсоход маш сайхан байдаг гэнэ. Тоглолт нь дууссаны дараа 17-нд буцах юм байна. Дашрамд дуулгахад Бат-эрдэнийг сурч байхдаа хятад гуанзанд аяга угаагч, зөөгчийн ажил хийдэг гэсэн мэдээлэл худал болохыг өөрөө хэллээ. Ингээд дуучин Бат-эрдэнэ манай папараци дуранд хэрхэн өртсөнийг сонирхуулъя.