Моддоо услая-Хаврын цэнэг усалгааны аян

Moderator

Өчигдөр 16 цаг 23 минут

Социал Демократ Монголын залуучуудын холбоо нь 2023 оноос эхэлж Монгол улсын Ерөнхийлөгч Ухнаагын Хүрэлсүхийн санаачилсан Тэрбум мод үндэсний хөдөлгөөний хүрээнд "Моддоо усалъя" хаврын цэнэг усалгааны аяныг нийслэл, 21 аймаг 9 дүүргийхээ салбар холбоодуудаар өрнүүлсээр ирсэн. Бид өнгөрсөн 3 жилийн хугацаанд 90 гаруй мянган модонд хаврын хуурайшилтийн үед цэнэг усалгааг хийж амьдрах чадварыг нэмэгдүүлж чадсан байна.

2026 оны Моддоо усалъя-Хаврын цэнэг усалгааны аян 5-р сарын 2-ны өдөр Чингэлтэй цогцолбор-Хайрхан хөгжлийн төв дээр нээлтээ хийх бөгөөд арга хэмжээний үеэр SDY for Cop 17 Марафоны сунгаа эмэгтэй 3000м эрэгтэй 5000м зайнд гүйлтийн тэмцээн зохион байгуулж эхний 3 байрыг шалгаруулна.

Мөн энэ удаагын арга хэмжээ Монгол улсад зохион байгуулагдах Цөлжилтийн эсрэг талуудын хурал Cop-17-г олон нийтэд сурталчилах цөлжилтийн эсрэг тэмцэхэд хүн бүрийн оролцоо чухал үүн дундаа залуучууд манлайлж оролцох нь чухал гэж үзэж буй тул хурлын уриа үг болох Эх байгалиа сэргээе Итгэл найдвараа бадраая уриан дор зохион байгуулагдаж байгаагаараа илүү онцлогтой болно.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ