ШҮҮХ: 2 настай дагавар хүүгээ “Машин бохирдууллаа“ хэмээн амийг нь хөнөөж, цогцсыг нь нуусан Э.Түмэнцогтод 22.6 жилийн хорих ял оноолоо

2025 оны есдүгээр сарын 9-ний өдөр хоёр настай дагавар хүүхдээ хөнөөж, цогцсыг нь нуусан байж болзошгүй хэрэг гарч байсан. Тухайн этгээд хүүгээ машин бохирдууллаа гэх шалтгаанаар аминд нь хүрч, цогцсыг нь нуусныг мөрдөн байцаалтаар тогтоож, шүүхэд шилжүүлсэн. Ингэхдээ хүүхэд алга болсон хэмээн худлаа мэдээлэл тараасан байдаг.

Дагавар хүүгийнхээ амийг хөнөөсөн Э.Түмэнцогтод Эрүүгийн хуулийн 10.1 дүгээр зүйлийн 3 /Хүнийг алах/, Эрүүгийн хуулийн 11.6 дугаар зүйлийн 1,2 /Хүний эрүүл мэндэд хөнгөн хохирол санаатай учруулах/-д зааснаар яллах дүгнэлт үйлдсэн.

Харин хүүгийн ээж Д.Лхагвамаад хүүхдийн амь нас эрүүл мэндэд сөрөг нөлөө үзүүлж болзошгүй эрсдэлт нөхцөлөөс урьдчилан сэргийлж, эрх бүхий байгууллагад мэдэгдэж, холбогдох арга хэмжээ аваагүй буюу асран хамгаалагчийн хуулиар хүлээсэн үүргээ биелүүлээгүй хэрэгт Эрүүгийн хуулийн 16.11 дүгээр зүйлийн 3 /Хүүхдийг асран хамгаалах үүргээ үл биелүүлэх/-д зааснаар яллах дүгнэлт үйлдсэн байна.

Тус хэргийн шүүх хурал 2026 оны дөрөвдүгээр сарын 22-ны өдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд болж яллагдагч Э.Түмэнцогтод 22.6 жилийн хорих ял оноожээ.