Зэвсэгт хүчний марш-тусгай бэлтгэлийн цогцолбор тэмцээн эхэллээ
Зэвсэгт хүчний бие бүрэлдэхүүний тэсвэр хатуужил, мэргэжлийн ур чадвар, сэтгэл зүйн бэлтгэлжилтийн дээд шалгуур болсон "Зэвсэгт хүчний 2026 оны аварга шалгаруулах Марш-тусгай бэлтгэлийн цогцолбор тэмцээн"-ий нээлтийн ёслол боллоо.
Ёслолын арга хэмжээний үеэр цэрэгжлийн спортын шилдэг тамирчид цэргийн олимпын галт бамбарыг аялуулж, жагссан бүрэлдэхүүн уухай хадаан сүр жавхааг илэрхийллээ. Мөн орчин үеийн техник технологийн шийдлийг ашигласан дроны үзүүлбэр үзэгчдийн сонирхлыг татсан юм.
Түүнчлэн эх орны өнцөг булан бүрээс хүрэлцэн ирсэн Зэвсэгт хүчний 38 нэгтгэл, ангийн алба хаагчид оролцож, ЦДБЭЧ-ын уран бүтээлчид урлагийн тоглолтоор бэлэг барив. Орчин цагийн Зэвсэгт хүчний 105 жилийн ойд зориулсан уран бүтээлийн уралдаанд тэргүүлсэн хугацаат цэргийн алба хаагчид ая дуугаа өргөн барьж, арга хэмжээг улам өнгөлөг болгов.
Энэхүү Марш-тусгай бэлтгэлийн цогцолбор тэмцээн нь цэрэг дайчдын эр зориг, тэсвэр хатуужил, багийн ажиллагаа, мэргэжлийн ур чадварыг сорин шалгахын зэрэгцээ эх оронч үзэл, нөхөрлөлийг бэхжүүлэх чухал ач холбогдолтой юм.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Монголбанкны Ерөнхийлөгч дэлхийн төв банкны удирдлагуудын өндөр түвшний симпозиумд оролцож, Хятадын Ардын банкны Ерөнхийлөгчтэй уулзлаа
Монголбанк хил дамнасан төлбөрийн дэвшилтэт шийдэл "mBridge" төслийн удирдах хороонд нэгдлээ
С.Бямбацогт: Хэвлэн нийтлэх эрх чөлөөнд халдаж, асуудалд үзэмжээр хандсан албан тушаалтанд хариуцлага тооцуулна
Нийгмийн ажлын тухай хуулийн төслийн хэлэлцүүлэгт урьж байна
ОБЕГ: 12 хүний амь аварч, 167 иргэнийг утаажилтын бүсээс гаргалаа
Автобусны жолооч зорчигчид анхны тусламж үзүүлж, амийг нь аварчээ
Төрийн банк, Монголын Улаан Загалмайн Нийгэмлэгийн “Хамтран Ажиллагч Онцгой Гишүүн” байгууллага боллоо
Сэтгэгдэл бичигдээгүй байна