Сүхбаатар аймагт бүртгэгдсэн 3 хээрийн түймрийг унтраахаар ажиллаж байна

Moderator

2026/04/15

Улсын хэмжээнд өнөөдөр (2026.04.15) 15:30 цагийн байдлаар Сүхбаатар аймагт бүртгэгдсэн 3 хээрийн түймрийг унтраахаар ажиллаж байна.

Үүнд:

Сүхбаатар аймгийн Асгат сумын Дөхөм II багийн “Улаан хавцал" гэдэг газар өчигдөр буюу дөрөвдүгээр сарын 14-ний 15:40 цагт гарсан хээрийн түймрийг 21:40 цагт цурамд оруулж, бүрэн унтраахаар ажиллаж байна.

Сүхбаатар аймгийн Эрдэнэцагаан сумын Бадрах багийн “Өлзийт хүрэм" гэдэг газар өнөөдөр (2026.04.15) 11:52 цагт гарсан хээрийн түймрийн голомтод Шилийн богд болон Төхмийн уурхайд хөдөлгөөнт бүлгийн үүрэг гүйцэтгэж байгаа алба хаагчид болон Онцгой байдлын газрын Гал түймэр унтраах, аврах 47 дугаар ангийн алба хаагчид ажиллаж байна.

Сүхбаатар аймгийн Эрдэнэцагаан сумын Хөндлөн хайлааст багийн “Бухын цагаан булаг" гэдэг газар 12:00 цагт бүртгэгдсэн хээрийн түймрийн дуудлагаар Хилийн цэргийн 0146 дугаар ангийн 5 дугаар застав, сумын мэргэжлийн анги, "Петро чайна дачин тамсаг" ХХК-ийн 19 дүгээр талбайд хөдөлгөөнт бүлгийн үүрэг гүйцэтгэж байсан Дорнод аймгийн Онцгой байдлын газрын алба хаагчид ажиллаж байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ