Нийслэлийн таван байршилд авто замын засвар, шинэчлэл хийнэ

Moderator

2026/04/15

Нийслэлд энэ жил таван байршилд авто замын засвар, шинэчлэлийн ажлыг хийж гүйцэтгэхээр төлөвлөжээ.

Тодруулбал, Саппорогийн уулзвараас Таван шарын уулзвар хүртэлх зургаан эгнээ, 3.5 км урт авто зам, Дамбадаржаагийн эцсээс Бэлхийн зам хүртэлх 4.6 км, Санзайн 1.7 км, Сэлхийн 4.3 км, Монелоос Дарь-Эхийн зам хүртэлх 6 км урт авто замуудыг шинэчлэхээр байна.

Одоогоор Бэлх, Сэлхийн чиглэлийн авто замын ажлын тендерийг зарлаад байгаа бол Энхтайваны өргөн чөлөө дагуух буюу Саппорогийн уулзвараас Таван шарын уулзвар хүртэлх зам, мөн Монелийн чиглэлийн авто замын тендерийг ойрын хугацаанд зарлахаар бэлтгэж байгаа аж.

Ийнхүү нийслэлийн авто замын сүлжээг сайжруулах хүрээнд гол чиглэлүүдэд засвар, шинэчлэлийн ажлыг үе шаттайгаар хэрэгжүүлэхээр төлөвлөж байна.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

202.9.40.105

2026/04/16

21р хорооллын замыг 22 жил болж бна хэзээ засах вэ схд засаг дарга хаагуур ажилдаа ирдэг хүн бэ агаараар ирдэг вмуу нүдээ нээгээч нямбаатар чи олон удаа энэ дүүргээс гарсан шүү
Хариулах