Зөрчил гаргасан шүүгч нарыг ажлаас нь чөлөөллөө

Moderator

1 цаг 47 минутын өмнө

Дархан-Уул аймгийн нэр бүхий шүүгч нар зөрчил гаргасан тул Шүүхийн сахилгын хорооноос албан тушаалаас нь огцруулах шийдвэр гаргалаа. Шүүхийн сахилгын хорооны 2025 оны 10-р сарын 28-ны өдрийн СХМ/2025/0125 дугаар магадлал болон 2026 оны 1-р сарын 22-ны өдрийн ХТ/2026/0004 дүгээр хяналтын тогтоолоор Дархан-Уул аймгийн Иргэний хэргийн давж заалдах шатны шүүх, сум дундын анхан шатны шүүхийн шүүгч нар Монгол Улсын шүүхийн тухай хуулийн 50.1.1-д заасан зөрчил гаргасан болохыг тогтоожээ.

Эдгээр зөрчилд үндэслэн тус хуулийн 57.1.10-д заасны дагуу шүүгчдийг Монгол Улсын шүүгчийн албан тушаалаас огцруулах сахилгын шийтгэл оногдуулсан бөгөөд сахилгын хэргийг Монгол Улсын дээд шүүхийн хяналтын шатны сахилгын хэргийн хуралдааны 2026 оны 4-р сарын 3-ны өдрийн 001/СХХШТ2026/0002 дугаар тогтоолоор хянаж, өмнөх тогтоолыг хэвээр үлдээн шийдвэрлэсэн юм.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ