“Аюулгүй амьдрах ухаан" хөтөлбөрийн хүрээнд 1600 гаруй сурагчид гамшиг, ослоос урьдчилан сэргийлэх мэдлэг олгожээ

“Аюулгүй амьдрах ухаан” хөтөлбөрийн хэрэгжилтийг хангах хүрээнд ерөнхий боловсролын сургуулийн сурагчдын бие даалтын 7 хоног үргэлжилж байна.

Энэ хүрээнд сурагчид нийслэлийн Онцгой байдлын газар, Чингэлтэй дүүргийн Онцгой байдлын хэлтэс, Гал түймэр унтраах аврах 10 дугаар ангийн үйл ажиллагаа, Онцгой байдлын байгууллагын музейтэй танилцаж, аврагч гал сөнөөгчдийн ашиглаж буй багаж зэвсэглэмж, хувцас хэрэгслэл, автомашин техниктэй танилцан, гал түймэр, газар хөдлөлтийн аюулаас урьдчилан сэргийлэх мэдлэг олгох танхимын сургалтад хамрагдлаа.

Бие даалтын долоо хоногт Нийслэлийн ерөнхий боловсролын 5, 6, 17, 23, 31, 33, 44, 49, 50, 52, 57, 75, 117, 138, 139, 140, 161 дүгээр сургууль, Сант, Тусгал, Багануур дүүргийн Боловсрол цогцолбор сургуулийн нийт 1600 гаруй бага, дунд, ахлах ангийн сурагчид гамшгаас урьдчилан сэргийлэх мэдлэг ойлголтоо дээшлүүллээ.

Гамшгийн эрсдэлийг бууруулах, эрсдэлээс урьдчилан сэргийлэх хүрээнд сургуулийн орчны гамшгийн эрсдэлийн үнэлгээ,

Гэр бүлийн орчны гамшгийн эрсдэлийн үнэлгээг насны онцлогт тохируулан хийгэж, “Үгүй” гэж хариулсан асуултуудад анхаарлаа хандуулж, эрсдэлийг бууруулах арга хэмжээг зохиоон байгуулахыг зөвлөж байна.