НИТХ-ын Зам тээвэр, хөдөлгөөн зохицуулалтын хороо болон Бүсчилсэн хөгжлийн хороо хуралдлаа

Moderator

Өчигдөр 20 цаг 43 минут

НИТХ-ын Зам тээвэр, хөдөлгөөн зохицуулалтын хороо болон Бүсчилсэн хөгжлийн хорооны хамтарсан хуралдаан боллоо.

Хуралдаанд НИТХ-ын төлөөлөгч, Зам тээвэр, хөдөлгөөн зохицуулалтын хорооны дарга Г.Батсайхан, төлөөлөгч, Бүсчилсэн хөгжлийн хорооны дарга Л.Ариунтуяа, төлөөлөгч, хорооны гишүүн Т.Батцогт, Б.Ану-Үжин, О.Зундуйдорж нар оролцлоо.

Харин Нийслэлийн Засаг даргын орлогч А.Амартүвшин, Нийслэлийн ерөнхий архектиктур Ч.Төгсдэлгэр, Нийслэлийн нийтийн тээврийн бодлогын газрын дарга Д.Отгонжаргал, НЗДТГ-ын дарга Т.Оюунчимэг зэрэг бусад холбогдох албаныхан төлөөлөгчдийн асуултад хариулж, тайлбар өглөө. Улмаар хуралдаанаар хэлэлцсэн асуудлыг НИТХ-ын ээлжит VI хуралдааны II хэлэлцүүлгээр хэлэлцэхийг дэмжлээ.

Өнөөдрийн хуралдаанаар Нийслэлийн бодлогын баримт бичгийн хэрэгжилтийг хэлэлцлээ.

Тодруулбал,

-Нийслэлийг 2021-2025 онд хөгжүүлэх таван жилийн үндсэн чиглэл

-Нийслэлийн Засаг даргын 2024-2028 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөний 2025 оны хэрэгжилт

-Нийслэлийн хөгжлийн 2025 оны төлөвлөгөөний хэрэгжилтэд хийсэн хяналт-шинжилгээний дүн, танилцуулга мэдээлэл

-Сүм, хийдийн үйл ажиллагаа эрхлэх зөвшөөрлийг сунгах тухай зэрэг бусад асуудлыг хэлэлцэж, дэмжлээ гэж НИТХ-ын Хэвлэлийн албанаас мэдээллээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ