Авлигын эсрэг сургалтад 1745 албан тушаалтныг хамруулав

Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2026 оны 1 дүгээр сарын 19-23-ны өдрүүдэд авлигын эрсдэлийг бууруулах, шалтгаан нөхцөлийг арилгах чиглэлээр Улсын хоёрдугаар төв эмнэлэг болон Хавдар судлалын үндэсний төвд хүргүүлсэн зөвлөмжийн хэрэгжилтэд дүн шинжилгээ хийв.

“Онлайм Нетворк”, “Процесс интерллиженс”, “Мобиком корпораци”, “Монголын цахилгаан холбоо”, “Юнител”, “Скайтел”, “Ондо”, “Жимобайл” зэрэг компанийн удирдлагатай уулзаж авлигын гэмт хэргээс урьдчилан сэргийлэх, олон нийтийг соён гэгээрүүлэх чиглэлээр хамтран ажиллахаар тохиролцлоо.

Төрийн байгууллагын хүнд суртал, чирэгдэл, төрийн албан хаагчийн ёс зүйн асуудлаар иргэн, аж ахуйн нэгж, байгууллагаас ирүүлсэн 6 гомдол, мэдээллийг хянан шалгаж, авлигын эсрэг сургалтад 1745 албан тушаалтныг хамруулсан байна.