Таксины жолоочтой тооцооноос болж маргалдсанаас нүүр толгойн тус газар нь цохиж амь насыг нь хохироожээ

Таксины жолоочийн амь насыг хохироосон этгээдэд холбогдох хэргийг прокурорын байгууллагад шилжүүлжээ. Тодруулбал, энэ оны нэгдүгээр сарын 01-ний өдөр Баянгол дүүргийн 19 дүгээр хорооны нутаг дэвсгэрт автобусны буудлын орчимд иргэн Б-г суудлын тээврийн хэрэгслээр такси үйлчилгээнд явж байхад нь иргэн Ч нь үйлчлүүлэх үедээ таксины төлбөр тооцооны улмаас маргалдаж улмаар жолооч Б-н нүүр толгойн тус газар нь цохиж амь насыг нь хохироосон үйлдлийг тус дүүргийн цагдаагийн газраас мөрдөн шалгах ажиллагааг явуулжээ.

Улмаар иргэн Ч-ийн хүний амь хохироосон үйлдэлд Эрүүгийн хуулийн 10.1 дүгээр зүйлийн 1 дэх хэсэгт зааснаар яллагдагчаар татаж, хэргийг шүүхэд шилжүүлэх саналтай Прокурорын байгууллагад шилжүүлсэн.

Мөн өнгөрсөн онд цагдаагийн байгууллагаас хүний амь насыг хохироосон 186 хэрэгт мөрдөн шалгах ажиллагааг явуулсан байна.