Сэтгэцэд нөлөөт бодисыг бусдын нэр дээр ачаанд багтааж хил нэвтрүүлсэн гэх этгээдийн хэргийг шүүхэд шилжүүлжээ

Нийслэлийн прокурорын газраас дараах хэрэгт яллах дүгнэлт үйлдэж шүүхэд шилжүүлжээ. Тухайлбал, У.А нь гадаад улсаас НҮБ-ын 1971 оны “Сэтгэцэд нөлөөлөх бодисын тухай конвенц”-ын II жагсаалтад багтсан метамфетаминийн агууламжтай “мөс” гэх нэршилтэй 30.4 грамм хориглосон сэтгэцэд нөлөөт бодисыг нэр бүхий иргэний нэр дээр ачаанд багтаан хууль бусаар улсын хилээр нэвтрүүлсэн хэрэгт холбогджээ. Эл хэрэгт Эрүүгийн хуулийн 20.7 дугаар зүйлийн 3.3 /Мансууруулах эм, сэтгэцэд нөлөөт бодисыг хууль бусаар ашиглах/-д зааснаар яллах дүгнэлт үйлдэж Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд шилжүүлсэн байна.