ТАНИЛЦ: УИХ-ын дарга Н.Учралын зөвлөхүүд

2025 оны 11-р сарын 20-нд УИХ-ын чуулганы хуралдаанаар Н.Учралыг 82.5 хувийн саналаар УИХ-ын даргаар сонгосон байдаг. Тэгвэл түүний зөвлөхөөр ямар хүмүүс томилогдох бол гэсэн хүлээлт үүсээд байсан юм.

Тэгвэл УИХ-ын дарга Н.Учрал нийт 6 зөвлөхтэй ажиллах аж. Түүнд зөвлөх 6 хүний хэн нь хэн бэ гэдгийг та бүхэнд танилцуулж байна.

ХУУЛЬ ЗҮЙН БОДЛОГЫН АХЛАХ ЗӨВЛӨХ ДОРЖДЭРЭМИЙН ЦОЛМОН

Төгссөн сургууль:

2005-2010 онд Монгол Улсын их сургуулийг Олон улсын эрх зүйч;

2014-2015 онд Калифорниагийн их сургуульд магистрын зэрэг хамгаалсан.

Ажилласан байдал:

2010-2013 онд Говийн зам ХХК-д Гэрээний мэргэжилтэн;

2013-2016 онд Өмгөөллийн Батбаяр энд партнерс ХХН-д Ахлах хуульч;

2016 онд Ерөнхийлөгчийн Тамгын газар Гадаад бодлогын зөвлөхийн туслах;

2016-2023 онд Хуульзүй дотоод хэргийн яамны Хууль зүйн бодлогын газар мэргэжилтэн, шинжээч, ахлах шинжээч, газрын дарга;

2023-2024 онд Нийслэлийн Засаг даргын хууль, эрх зүйн асуудал хариуцсан ахлах зөвлөх;

2024-2025 онд Засгийн газрын хэрэг эрхлэх газрын дэд даргаар тус тус ажилласан туршлагатай.

Гадаад хэл: Англи, турк хэлтэй.

ЭДИЙН ЗАСАГ, ТӨСВИЙН БОДЛОГЫН ЗӨВЛӨХ БАТ-ИРЭЭДҮЙН АНАР

Төгссөн сургууль:

2004-2008 онд Монгол Улсын Их Сургуулийг Бизнесийн удирдлагаар;

2015-2017 онд АНУ-ын Жиоржиа мужийн их сургуулийг Төрийн санхүүгийн удирдлагын магистраар тус тус төгссөн. Одоо МУИС-ийн Хууль зүйн сургуульд Эрх зүйч мэргэжлээр сурч байна.

Ажилласан байдал:

2008-2010 онд Сангийн яамны Засаглалыг дэмжих хөтөлбөрийн Худалдан авах ажиллагааны мэргэжилтэн;

2010-2018 онд Сангийн яамны Төрийн сан, Төсвийн бодлогын газар мэргэжилтэн;

2018-2020 онд Сангийн яамны Санхүүгийн бодлогын газар, Санхүүгийн хөрөнгө удирдлагын хэлтсийн дарга;

2020-2021 онд Монгол Улсын Хөгжлийн банкны Хууль, тусгай активын газрын дарга;

2021-2022 онд Сангийн яамны Хөгжлийн санхүүжилтийн газар, Зээл тусламжийн бодлогын хэлтсийн дарга;

2022-2025 онд Эдийн засаг, хөгжлийн яамны Хөрөнгө оруулалтын бодлогын газрын даргаар тус тус ажилласан туршлагатай.

Гадаад хэл: Англи хэлтэй.

ХУВИЙН ХЭВШИЛ, МӨНГӨНИЙ БОДЛОГО ХАРИУЦСАН ЗӨВЛӨХ БААСАНДАВААГИЙН ДӨЛГӨӨН

Төгссөн сургууль:

2001-2003 онд Дэлхийн нэгдсэн коллежид IB diplom;

2004-2007 онд Коннектикат коллежид Математик, эдийн засагч;

2016-2018 онд Харвардын их сургуулийг Олон улсын хөгжлийн эдийн засагчаар тус тус төгссөн.

Ажилласан байдал:

2022 онд Эдийн засаг, хөгжлийн яамны зөвлөх;

2022-2023 онд Шинэ сэргэлтийн бодлогын хурдасгуур төвийн захирал;

2024-2025 онд Эдийн засгийн бодлогын зөвлөлийн Ажлын албаны дарга;

2024 оноос Нийслэлийн Иргэдийн Хурлын төлөөлөгч;

2025 онд Монголын Хөрөнгийн Биржийн Гүйцэтгэх захирлын албан үүргийг түр орлон гүйцэтгэгч;

2025 онд Эр Эйч Ай Пик ХХК-д зөвлөхөөр тус тус ажилласан туршлагатай.

Гадаад хэл: Англи, Турк, Хятад хэлтэй.

АЮУЛГҮЙ БАЙДАЛ, ГАДААД БОДЛОГЫН ЗӨВЛӨХ НАВААН-ЮНДЭНГИЙН ЧИМГҮҮНДАРЬ

Ажилласан байдал:

2006-2007 онд Гадаад хэргийн яамны Бодлого төлөвлөлт, мэдээлэл, үнэлгээний газрын Хэвлэл мэдээллийн хэлтэст мэргэжилтэн, атташе;

2008-2009 онд Гадаад хэргийн яамны Европын газар атташе;

2009-2012 онд Гадаад хэргийн яамны Монгол Улсаас Бүгд Найрамдах Франц улсад суугаа элчин сайдын яаманд Гуравдугаар нарийн бичгийн дарга;

2012-2014 онд Гадаад хэргийн яамны Европ, Ойрхи Дорнодын газарт нэг, хоёр, гуравдугаар нарийн бичгийн дарга;

2015 онд Гадаад хэргийн яамны Хөрш орнуудын газрын зөвлөх, дэд захирал;

2016 онд Засгийн газрын хэрэг эрхлэх газарт Ерөнхий сайдын зөвлөх;

2018 онд Гадаад харилцааны яам, Тусгай үүрэг гүйцэтгэгч Элчин сайд;

2019-2023 онд Гадаад харилцааны яам, Монгол Улсаас НҮБ-ын дэргэд суугаа Байнгын төлөөлөгчийн газар зөвлөх;

2023-2024 онд НҮБ, Эмэгтэйчүүдийн байгууллагын Бодлого төлөвлөлт, хэрэгжилтийн газрын Засгийн газар хоорондын үйл ажиллагаа хариуцсан ахлах мэргэжилтэн;

2024-2025 онд Гадаад харилцааны яам, Цөлжилттэй тэмцэх тухай НҮБ-ын Конвенцын талуудын 17 дугаар бага хурлын Бэлтгэл ажлын албаны дарга, тусгай үүрэг гүйцэтгэгч Элчин сайдаар тус тус ажиллаж байна.

Гадаад хэл: Орос, англи, франц хэлтэй.

ХӨГЖЛИЙН ХӨТӨЛБӨР, ШИНЖЛЭХ УХААНЫ БОДЛОГЫН ЗӨВЛӨХ БУЛГААГИЙН ГАНБАТ

Төгссөн сургууль:

1988-1994 онд ЗХУ, Москва хотын АУИС-2 анагаахын биофизикч, магистр;

1996-1999 онд Гадаад хэлний дээд сургуулийг Герман хэлний багш, орчуулагч;

2000-2002 онд Япон, Хирошимагийн их сургуульд хөгжлийн эдийн засагчаар магистрын зэрэг хамгаалсан.

Ажилласан байдал:

2019-2022 онд Хөдөө аж, ахуйн их сургуульд эрдэм шинжилгээний ажилтан;

2022 онд Дархан-Уул аймгийн ЗДТГ, Европын холбооны Найрамдал төслийн менежер;

2022-2024 онд Цахим хөгжил, харилцаа холбооны сайдын зөвлөх;

2024-2025 онд Засгийн газрын хэрэг эрхлэх газар шинжээч, сайдын зөвлөхөөр ажиллаж байсан.

Гадаад хэл: Герман хэлтэй.

ХӨРӨНГӨ ОРУУЛАЛТ, ХУДАЛДААНЫ БОДЛОГЫН ЗӨВЛӨХ БАЯСГАЛАНТЫН БУЛГАНЧИМЭГ

Төгссөн сургууль:

2006-2011 онд Америкийн их сургуульд Санхүү, хөрөнгө оруулалтаар бакалавр

2017-2018 онд Graduate institute Geneva-г Хөгжлийн бодлого судлаачаар магистрын зэрэг хамгаалсан.

Ажилласан байдал:

2016-2019 онд НҮБ-д мэргэжилтэн;

2019-2022 онд Үндэсний хөгжлийн газрын дэд дарга;

2022-2025 онд НҮБ-д Бүсийн төвийн мэргэжилтнээр тус тус ажилласан туршлагатай.

Гадаад хэл: Англи хэлтэй.