“Эрдэнэс Оюутолгой“-н гүйцэтгэх захирал Э.Ганхүүг суллаж хилийн хориг тавьжээ

Moderator

2025/12/16

"Эрдэнэс Оюутолгой" ХХК-ийн гүйцэтгэх захирал Э.Ганхүүг хойшлуулашгүй ажиллагаагаар 48 цагийн хугацаатай баривчилсан талаар бид өмнө нь мэдээлсэн билээ. АТГ-аас өгсөн мэдээллээр, Э.Ганхүүг компанийнхаа оффисыг хууль бусаар худалдсан байж болзошгүй үндэслэлээр шалгаж эхэлсэн байдаг. Э.Ганхүү нь өнгөрсөн долоо хоногт болж өнгөрсөн Оюутолгойн бүлэг ордын асуудлаарх сонсголд гэрчээр дуудагдаад байсан ч ирээгүй бөгөөд сонсголын үеэр түүнийг ийнхүү саатуулсан юм.

Тэгвэл сүүлийн үеийн мэдээллээр, "Эрдэнэс Оюутолгой" ХХК-ийн гүйцэтгэх захирал Э.Ганхүүг суллаж, хилийн хориг тавьсан байна.

Эргэн сануулахад, ХЗДХ-ийн сайд Б.Энхбаярын цахим хуудаснаа мэдээлж байснаар, Л.Оюун-Эрдэнийн Засгийн газрын үед "Монгол хаан" жүжгийг "Эрдэнэс Оюутолгой" ХХК-иас 7 тэрбум орчим төгрөгөөр санхүүжүүлсэн гэдэг.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ