Нийслэлд 3 байршилд халиа үүсэж, ГУББГ-аас шаардлагатай арга хэмжээг авч байна

Moderator

2025/12/09

Энэ жил халиа тошин эрт үүсэж байгаатай холбогдуулан ГУББГ-аас халиа тошин үүсдэг байршлуудад тогтмол үзлэг шалгалт хийж, шуурхай арга хэмжээ авч ажиллаж байна.

ГУББГ-ын Ерөнхий инженер С.Батсайхан “2025 оны 12 дугаар сард нийслэлд гурван байршилд халиа тошин үүсээд байна. Бид халиа тошин үүссэн Дэнжийн мянгын 39 дүгээр сургуулийн урд гүүрний хэсэгт ирээд байна. Энд гар ажиллагаагаар суваг татах, механизмаар сувагчлах, дээд хэсэгт нь шороон далан, хаалт босгож булгийн усыг хуримтлуулж барих зэргээр арга хэмжээ авч байна. Улаанбаатар хотын хэмжээнд Сэлбэ, Дунд, Улиастай, Баян гол дагасан халиа тошин үүсэх эрсдэл их гардаг. Өнгөрсөн жил долоон байршилд үерийн хамгаалалтын барилга байгууламжтай газруудад ГУББГ-аас халиа тошин үүсэхээс урьдчилан сэргийлэх, иргэд ААН, айл өрхүүдийг халиа тошинд өртөх, байшин барилгын суурь усанд автах, зам мөстөж эрсдэл үүсэхээс сэргийлэн ажилласан” гэлээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ