Цагдаа, дотоодын цэргийн байгууллагад хийсэн ПДИ-ийн судалгаа, шинжилгээний тайланг хүлээлгэн өглөө

Moderator

Өчигдөр 12 цаг 09 минут

Засгийн газрын Хяналт хэрэгжүүлэх газраас цагдаа, дотоодын цэргийн байгууллагын үйл ажиллагаанд процессын дахин инженерчлэлийн (ПДИ) иж бүрэн судалгаа, шинжилгээ хийж дуусган, өнөөдөр албан ёсоор тайлангаа хүлээлгэн өглөө.

Судалгааны хүрээнд нийт 85 албан хаагч оролцсон хамтарсан ажлын хэсэг ажиллаж, цагдаагийн байгууллагын бүтэц, чиг үүргийн давхардал, хүнд суртал, ажил үүргийн зохион байгуулалт, албан хаагчдын ажлын ачаалал болон иргэдэд үзүүлэх үйлчилгээний чанарт нэгдсэн дүн шинжилгээ хийсэн байна.

Шинжилгээний ажлын зорилго нь:
• байгууллагын бүтэц, зохион байгуулалтыг оновчтой болгох,
• чиг үүргийн давхардал, хийдлийг арилгах,
• төрийн үйлчилгээний хүртээмж, шуурхай ажиллагааг сайжруулах,
• албан хаагчдын бүтээмж, ажлын орчныг дээшлүүлэхэд чиглэгдэв.

ПДИ-ийн үр дүн нь цаашид цагдаа, дотоодын цэргийн байгууллагын бүтцийн шинэчлэл, үйлчилгээний чанарын сайжруулалт болон хяналт-шинжилгээ, үнэлгээний тогтолцоог боловсронгуй болгоход чухал суурь мэдээлэл болох юм.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ