Нийслэлийн байгаль орчны газрын барилгын ажил дуусаж, Улсын комисс хүлээн авлаа

Moderator

2025/12/03

Улсын төсвийн хөрөнгө оруулалтаар Чингэлтэй дүүргийн 19 дүгээр хороонд Нийслэлийн байгаль орчны газрын барилгыг барьж дууссан бөгөөд Улсын комисс хүлээн авлаа.

Тус барилга нь 302.29 ам метр талбай бүхий зоорьтой хоёр давхар юм.

Барилгын дотоод зохион байгуулалтын тухайд мэдээллийн төв, үзэсгэлэнгийн танхим, ажилчдын амрах өрөө, номын сан, сургалтын танхим, хурал уулзалтын болон оффисын өрөөнүүд, ариун цэврийн өрөө зэрэг иргэд, үйлчлүүлэгчдэд шаардлагатай бүхий л орон зайг багтаасан шийдэлтэй. Мөн гадна тохижилтын тухайд авто зам, зогсоол, явган хүний зам, ногоон байгууламж болон бусад тохижилтын ажлуудыг хийлээ.

Тус барилгыг “Зууны сод хийц” ХХК гүйцэтгэж, нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэн ажиллав.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ