“Сэлбэ 20 минутын хот” төслийн газар чөлөөлөлт 94 хувьтай үргэлжилж байна

Нийслэлийн Сүхбаатар дүүргийн 14-р хороо, Чингэлтэй дүүргийн 14, 18-р хороонд анхны жишиг дэд төв болох “Сэлбэ хот орон сууцжуулалт” буюу “Сэлбэ 20 минутын хот” төсөл хэрэгжиж байна. Төслийн газар чөлөөлөлт өнөөдрийн байдлаар 94 хувьтай буюу нийт 2,206 нэгж талбараас 2,073 нэгж талбарыг бүрэн чөлөөлжээ.

“Сэлбэ 20 минутын хот” төслийн хүрээнд 113 блок бүхий 8565 айлын орон сууц баригдана. Төслийн явцыг хувиар тооцвол 2025 оны 11 дүгээр сарын 28-ны өдрийн байдлаар дараах гүйцэтгэлтэй байгаа аж.

Багц 1

• Бэлтгэл ажил-98.6 хувь • Cуурь ухлагын ажил-89.7 хувь • Суурь цутгалт-78.9 хувь • Зоорийн давхрын угсралтын ажил-40.7 хувь • БУА-4.6 хувь Багц 2 • Бэлтгэл ажил-98.2 хувь • Cуурь ухлагын ажил-91.1 хувь • Суурь цутгалт-89 хувь • Зоорийн давхрын угсралтын ажил-76.7 хувь • 1-р давхрын угсралтын ажил-40.3 хувь • БУА-5.7 хувь Багц 3.1 • Бэлтгэл ажил-6 хувь Багц 3.2 • Бэлтгэл ажил-66 хувь • Cуурь ухлагын ажил-80 хувь • Суурь цутгалт-75 хувь • БУА-3.4 хувь Багц 3.3 • Бэлтгэл ажил-72 хувь • Cуурь ухлагын ажил-56.8 хувь • Суурь цутгалт-57.1 хувь • Зоорийн давхрын угсралтын ажил-57.1 хувь • БУА-2.6 хувь Багц 4.1 • Бэлтгэл ажил-55 хувь • Cуурь ухлагын ажил-70.3 хувь • Суурь цутгалт-68.8 хувь • Зоорийн давхрын угсралтын ажил-50.1 хувь • БУА-3.6 хувь Багц 4.2 • Бэлтгэл ажил-53 хувь • Cуурь ухлагын ажил-54 хувь • БУА-0.27 хувь

Төслийхугацаанд нь ашиглалтад оруулах хүрээнд хүйтний улирлын битүүмжлэх технологийг ашиглаж өвлийн цагт ч зогсолтгүй ажиллаж байна. Энэхүү төслийн үр дүнд гэр хорооллын 15,600 орчим янданг халснаар Улаанбаатарын нийт агаарын бохирдлыг 22 хувиар буурах тооцоолол гарсан. Мөн шинэ төлөвлөлт, шинэ замын сүлжээ бий болсноор авто замын хөдөлгөөний түгжрэлийг 36.3 хувиар бууруулах боломжтой гэж судалгаанд дурдсан байна.