Нийтийн тээврийн Х:10, Ч:38 чиглэлд өнөөдрөөс өөрчлөлт орлоо

Сонгинохайрхан дүүргийн 32 дугаар хорооны иргэдийн нийтийн тээврийн хүртээмжийг нэмэгдүүлэх зорилгоор Х:10 "Эмээлт-Хурган-5 шар" чиглэлийн замналд өөрчлөлт оруулж Х:10 "150 дугаар сургууль-Шанд (Хурган)-5 Шар" чиглэл болгон өөрчлөлт оруулав.

Нийслэл Улаанбаатар хотод Толгойтын замыг Ард-Аюушийн өргөн чөлөөтэй холбосон 1.5 км авто зам нээгдсэнтэй холбоотой Сонгинохайрхан дүүргийн 23, 30 дугаар хорооны иргэдийн нийтийн тээврийн хүртээмжийг нэмэгдүүлэх зорилгоор Ч:38 “Ханын материалын комбинат–Саппоро–3, 4 дүгээр хороолол-Хайлааст” чиглэлийн замналд өөрчлөлт оруулж Ч:38 "Ханын материалын комбинат- Гэмтлийн эмнэлэг-3, 4 дүгээр хороолол-Хайлааст” чиглэл болгон шинэчлэв.

Дээрх хоёр чиглэлийн өөрчлөлт өнөөдрөөс буюу 2025 оны 11 дүгээр сарын 29-ний өдрөөс эхэллээ. 

Иймд иргэд та бүхэн доорх зураглалын дагуу зорчино уу. Чиглэлийн үйлчилгээтэй холбоотой санал хүсэлтийг 70044040 дугаарын утсанд хүлээн авч шуурхай шийдвэрлэнэ гэж Нийтийн тээврийн бодлогын газраас мэдээллээ.