Тайландын Хаант Улсад зорчих иргэдийн анхааралд!

Moderator

2025/11/20

Тайландын Хаант Улсын Шилжилт хөдөлгөөний газраас “Visa-Run” буюу жилд 2 ба түүнээс дээш удаа Тайландын Хаант Улсад байх хугацаагаа дуусахаас өмнө хил залгаа Камбож, Мьянмар, Малайз зэрэг улс руу богино хугацаагаар нэвтэрч, улмаар Тайландын Хаант Улсад дахин 60 хоног визгүй зорчих эрх эдэлж буй гадаад улсын иргэдэд тавих хяналт, шалгалтыг чангатгаж, дараахь арга хэмжээг авахаар болов.

Үүнд:

- Жилд 2 ба түүнээс дээш хугацаагаар зорчсон гадаад улсын иргэдийг тодорхой шалтгаангүйгээр буюу “Visa-Run” хийсэн тохиолдолд тус улсад хууль бусаар урт хугацаанд оршин суугч гэж үзээд, хил нэвтрүүлэхээс татгалзах, буцаах,

- Тайландын Хаант Улсад байх хугацаагаа хэтрүүлсэн гадаад улсын иргэдийг албадан нутаг буцаах, эдгээр болно.

Хэрэв иргэн Та Тайландын Хаант Улсад урт хугацаанд зорчих бол тус улсын холбогдох ангиллын визийг зохих журмын дагуу мэдүүлэхийг зөвлөж байна.

Визийн талаарх мэдээллийг дараахь холбоосоор орж, авна уу.

Үүнд: https://bangkok.embassy.mn/page/976

МОНГОЛ УЛСААС ТАЙЛАНДЫН ХААНТ УЛСАД СУУГАА ЭЛЧИН САЙДЫН ЯАМ

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ