“Санхүү авна” гэсэн зарын дор бусдын биеийг үнэлүүлж байсан этгээдүүдийг ЯЛЛАНА

“Санхүү авна” гэсэн зарын дор бусдын биеийг үнэлүүлж байсан этгээдүүдийг яллахаар хэргийг нь шүүхэд шилжүүлжээ. Тодруулбал, О, Б нар нь нэр бүхий эмэгтэйчүүдийн эмзэг байдлыг нь далимдуулан, цахим орчинд “санхүү авна” гэсэн зар байршуулан биеийг нь үнэлүүлж, саун массаж нэрийн дор биеэ үнэлэх газар байгуулсан, орон байраар хангаж, биеэ үнэлэхийг зохион байгуулсан байна.

Тиймээс уг этгээдүүдэд Эрүүгийн хуулийн 12.6 дугаар зүйлийн 1,2 /Биеэ үнэлэхийг зохион байгуулах/, Эрүүгийн хуулийн 13.1 дүгээр зүйлийн 2.1, 2.2 /Хүн худалдаалах/-д зааснаар яллах дүгнэлт үйлдэж Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд шилжүүлсэн аж.