Тусгай замын автобус /BRT/ төслийн санхүүжилтийн зээлийн хэлэлцээр дэмжигдлээ
Улаанбаатар хотын авто замын түгжрэл, нийтийн тээврийн үйлчилгээний чанар, хүртээмжийг сайжруулах Тусгай замын автобус /BRT/ төслийг таван жилийн хугацаанд хэрэгжүүлэхээр төлөвлөсөн.
Нийслэлийн Засаг даргын Тамгын газар, Азийн Хөгжлийн Банк (АХБ) болон Сангийн яам хооронд харилцан ойлголцлын санамж бичгийг өнгөрсөн 10 дугаар сард байгуулж, Тусгай замын автобус /BRT/ төслийн зээлийн хэлэлцээрийн бэлтгэл ажлыг эхлүүлж байсан. Тэгвэл АХБ-ны Монгол дахь суурин төлөөлөгчийн газарт болсон уулзалтаар Сангийн яам, НЗДТГ-ын Хөрөнгө оруулалтын хэлтэс болон Нэгдсэн төслийн удирдлагын газар зэрэг холбогдох талууд АХБ-тай зээлийн хэлэлцээрт орж дэмжигдсэн.
Тусгай замын автобус /BRT/ төсөл нь Ард Аюушийн өргөн чөлөө-Их тойруу-Намъянжүгийн гудамж-Нийслэл хүрээ өргөн чөлөө-Цэцэрлэгт хүрээлэн чиглэлд нийт 12,7 км, 19 зогсоолтой байхаар төлөвлөгдсөн.
Төсөл хэрэгжсэнээр иргэд их багтаамжтай тээврийн системээр аюулгүй, найдвартай зорчих нөхцөл бүрдэх төдийгүй байгаль орчинд ээлтэй шийдэл нь хотын агаарын бохирдлыг бууруулахад эерэг нөлөө үзүүлнэ. Түүнчлэн замын хөдөлгөөний дундаж хурдыг 12.6 хувиар нэмэгдүүлэх урьдчилсан тооцооллыг гаргаад байгаа юм.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3 өрөө байранд гарсан галаас 22 болон 86 настай иргэдийг аварч, эмнэлэгт хүлээлгэн өгчээ
Лаг шатаах үйлдвэрийн төслийн нарийвчилсан судалгаа үргэлжилж байна
Дулааны тавдугаар цахилгаан станцыг 2028 онд ашиглалтад оруулна
Нийслэлийн 9 байршилд мод бут, сөөг тарих боломжтой
Сонгинохайрхан дүүргийн 41 дүгээр хороонд 420 метр авто зам барина
ШҮҮХ: Хахууль авсан “Эрчим хүчний үндэсний төв” ТӨХК-ийн захирал асан Д.Бямбасүрэнг нийтийн албанд томилогдох эрхийг 5 жилээр хасаж, 30 сая төгрөгөөр торголоо
МАН-ын бүлэг 2027 оны хөгжлийн төлөвлөгөөний төслийг хэлэлцлээ
Сэтгэгдэл бичигдээгүй байна