МАН-ын улс төрийн зодооныг шийдвэрлэх ажлын хэсгийн бүрэлдэхүүн. Ажлын хэсгийг УИХ-ын гишүүн асан Ч.Хүрэлбаатар ахална

МАН-ын удирдах зөвлөлийн өнөөдрийн өргөтгөсөн хуралд үe үeийн намын дарга нар оролцжээ. Ингээд МАН-д үүсээд байгаа асуудлыг шийдвэрлэх ажлын хэсэг байгуулахаар болсон байна. Ажлын хэсэг хоёр хоногт асуудлуудыг хэлэлцэнэ. Тус ажлын хэсгийг Ч.Хүрэлбаатар ахалж, УИХ дахь МАН бүлгийн дарга болон бусад үүсээд байгаа нөхцөл байдлыг хэлэлцэхээр болжээ.

МАН-ын EНБД Я.Содбаатар:

-МАН доторх улс төрийн нөхцөл байдал, УИХ-ын даргын томилгоо, бүлгийн даргын томилгооноос үүдэж ажлын хэсэг гаргалаа. Үүсээд байгаа нөхцөл байдлыг шийдвэрлэхээр нэгдэж эв нэгдлээ хангах чиглэлээр үүрэг авсан. Намын даргаар ажиллаж байсан ахмадуудаас бүрдсэн ажлын хэсэг байгуулагдаж, хоёр талдаа уулзалт хийж шийдэл гаргана. Мөн улсын төсвийг цаг хугацаанд нь багтаж батлах, цалин, тэтгэврийн асуудлыг ойрын үед шийдвэрлэх ёстой гэж үзсэн.

Ажлын хэсгийг УИХ-ын гишүүн асан Ч.Хүрэлбаатар ахална. Бүрэлдэхүүнд Ерөнхий сайд асан С.Баяр, ХЗДХ-ийн сайд асан Ц.Нямдорж, УИХ-ын дарга асан М.Энхболд, Ерөнхийлөгч асан Н.Энхбаяр нар ажиллана.

Арваннэгдүгээр сарын 15,16-ны өдрүүдэд намын Их хурлаа хийнэ. Дөрвөн жилд нэг удаа хийгддэг тус ээлжит Их хурлаар намын даргын асуудал яригдана. Бага хурлаар сонгогдсон ч Их хурлаар хэлэлцэгддэг гэлээ.