Г.Дамдинням: Улаанбаатарт шатахууны хэрэглээ эрс нэмэгдэж, иргэд нөөцөлж буй нь хязгаарлахаас аргагүй байдалд оруулж байна

Moderator

2025/10/21

Аж үйлдвэр, эрдэс баялгийн сайд Г.Дамдинням шатахууны асуудлаар тайлбар хийлээ. Тэрбээр “Манай улс түлш шатахууны хувьд 100% хөрш орнуудаас импортолдог. Хөрш орнуудын дотоод нөхцөл байдлаас шалтгаалан манай дотоод хангалтад өөрчлөлт ордог.

АИ-92 автобензиний 10-р сарын ОХУ-с авах импортын захиалга өмнөх жилүүдийнхээс багагүй хэмжээнд хийгдсэн, БНХАУ-с өмнөхөөс илүү хэмжээтэй захиалж татан авалт хийж байгаа ч хүндрэлтэй байдал бүр мөсөн арилахгүй байна.

Ялангуяа Улаанбаатар хотод хэрэглээ эрс нэмэгдэж хэрэглэгчид нөөцлөх байдал бий болоод байгаа нь хүндрэл үүсэх нэг гол шалтгаан болоод байгааг ойлгож хүлээн авахыг хүсье. Өмнөх жилүүдэд байсан хэмжээнээс илүү ихээр худалдан авах, нөөцлөх хандлагатай байгаа нь улсын нөөцийн сав багатай манай хэрэглээнд дарамт үүсгээд байна. Иймд зарим үед нийтэд хүртээмжтэй байх үүднээс хязгаарлалттай олгохоос өөр аргагүй байдалд оруулж байгааг ойлгож хүлээн авна гэж найдаж байна.

Шатахуун импортлогч ААН-тэйгээ хамтран хүндрэлийг даван гарахын тулд байнга ажиллаж байгаа болно.Цаашид олон жилийн турш яригдаж бодитой үйлдэл хийгдээгүй явж ирсэн түлш, шатахууны агуулахаа яаралтай барьж байгуулах хэрэгтэй байна” гэв.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

66.181.186.12

2025/10/21

Ичээчээ.Өөрсдөө нефттэй улс байж ийм байдалтай байхаасаа дэлхийн бусад улс орноос ичиж үхмээрийн .юу хийж юу шийдсэн гэж ийм юм яриад сууж бдийн.Згр чадахгүйн бна гээд ажилаа өг
Хариулах
66.181.161.181

2025/10/21

Зүгээр л ард түмний эрхийг хязгаарлаж засгийн газраа хүлээн завшөөрүүлэх гэсэн арга гэж ойлгож байна. Тэрнээс гэнэт мянган машин хотын хөдалгөөнд нэмэгдэхгүй үүү дээ. Зөв хүмүүсээр засаг бариулах юмсандаа
Хариулах